තවත් අමුතුම සීරෝ කිරිල්ලක් ...

මම දැන් මේ වගේ සිද්දි ගැන ලියනවා වැඩි කියලා හිතෙනව. නමුත් දෙකක් ලියපු එකේ මේකත් ඉතාම කෙටියෙන් ලියලාම අවසන් කරනවා.

මේ සිද්දිය වුනේ 2007 දී නුවර කිට්ටුව අලුතින් ඉදිකර නාවික පුහුණු පාසැලක් කිට්ටුව. තලාතුඔයට නාවික කදවුරක් ආපු එකෙන් අබාධිත නාවික සාමාජිකයන්ට ලොකු වාසියක් වුණා විශ්‍රාම වැටුප ගන්න. දවසක් ඔය විදිහට විශ්‍රමවැටුප ගන්න ගිය අබාධිත නාවික නිලධාරියෙක්ට ත්‍රිවිල් හාදයෙක් ගෙන් අඩන්තේටමක් සිද්ද වෙනවා. කදවුර අලුත් නිසාත්. වැඩි සද්දයක් නැතුව යන පොඩි කදවුරක් නිසාත් ගමේ මදාවි හිතුවේ උන්ට කදවුර බය ඇතියි කියාය.

ත්‍රිවිල් යාළුවන්ට නිසි දීමනාව කදවුරෙන් ලැබෙනකොට ගමේ පොලිස්සිය මැදිහත් වුනේ දන්න අදුරණ ගමේ ත්‍රිවිල් පැත්ත අරං. නමුත් වැඩි ආරක්‍ෂාවට හමුදාවට දැනුම් දුන්නා කලකොලහලයක් මර්ධනය කරගන්න අමාරුබවින් වහාම මැදිහත් වෙන්න කියලා. මතක විදිහට අදාල ප්‍රදෙශේ භාර සිංහරෙජිමේන්තුවේ භට කණ්ඩායමක් අවේ.
ආපු භට කණ්ඩායමේ නිලධාරියට තේරුණා වැඩේ මොකක් හෝ වැරද්දක් සිද්දවෙලා ඇති බව. සිද්දිය සිදුවූ තැනට ලගම නාවික හමුදා කදවුරක් තිබියදී හමුදාවෙන් එන්නේ ඇයි කියා ගැටළුවක් ඔහුට එනකන්ම තිබුණි. අවාම පොලිස්සියේත් සොක්කෝ බෝක්කෝ පමණකි වගකිව යුතු නිලධාරීන් මාරුවෙලා.

දෙපාර්ශවයෙන්ම කරුණු විමසලා පැත්තකට ගෙනිච්ච පොලිස් මහත්වරුන්ට ඇමතුවේ ගමටම ඇහෙන්න "උබලා අපිව ගෙන්නුවේ නාවික හමුදාවට ගස්සවන්නද? ෆෝසස් නම් ෆෝසස්, සිවිල් නම් සිවිල්. කරුණා කරලා උබලා සිවිල් වැඩක් බලාගනිල්ලා. පොලිසියට ගහන්න navy එකෙන් ඇවිත් නැ". අන්තිමේ ගමේ ත්‍රිවිල් යාළුවන්ට අමතපු හමුදාවෙන් කියුවලු "ඊලග පාර උබලා බේරගන්න එන එවුන්ට මගදීම පාරදිලා යවන්නේ අපි. එක නිසා ෆෝසස් එක්ක ගනුදෙනු කරද්දී පරිස්සම් වෙයන් කියලා."
අවසානයේ පොලිස් මහත්තුරු කලිසම් නැතුව මාරු වෙලා ගියා ලු. අන්තිමේ navy එකෙන් තේ එකකුත් බිලාම හමුදාවෙන් ගියා කියලයි කතාව ප්‍රසිද්ද වුනේ. හමුදාපතිවරු දෙන්නා අතරේ ලොකු ගැටුමක් තිබුණාට ඉදලා හිටලා කචල් දාන එකෙක් දෙන්නෙක් හිටියත්, මොලේ තිබුණ පහල මට්ටමේ සැහෙන පිරිසක් හිටියා.
සිවිල් ගැටුමක් කැරළි කෝලාහල පාලනය කරන්න හමුදාව මැදිහත් වෙන හැටි ගැන දැනගන්න ඕන නම් විචාරක තුමාගේ ලිපිය බලන්න මේක හමුදාව කියුවට ත්‍රිවිද හමුදාවටම පොදුයි. කොළබ දී නාවික හමුදාව ගුවන් හමුදාව මැදිහත්වීම දකින්න නැති වුනත් පොතේ හැටියට එහෙම මැදිහත් වීමක් වෙන්න පුළුවන්. උතුරු ප්‍රදේශ වල නම් එහෙම වුන අවස්ථා තියෙනවා. යුද්දේ ඉවර වුනාට පස්සේ හමුදාවටත් සිද්ද වුණා සිවිල් මිනිස්සු එක්ක ඔලුව පාත් කරන් ඉන්න. නැත්තම් ඔය වගේ රස කථා නම් සැහෙන්න ඒ කාලේ සිද්ධ වුණා.

x

යුධ හමුදාවෙන් ටවුමක් සීරෝ කරපු හැටි....

මේකත් සත්‍ය සිදුවීමක් බැවින් නම්ගම් ලබාදිය නොහැක.

මේ සිදුවීම වෙන්නේ මට මතක විදිහට 2002 වසරේ මාර්තු 2 වැනිදා. ස්ථානය හෝමාගම ටවුම. කොහොමත් හෝමාගම කියන්නේ කාඩ්බෝඩ් වීරයෝ වැහි වැහැපු ටවුමක්. විවිධ චන්ඩි කණ්ඩායම් 4 කට වැඩිය හිටියා. හන්දියේ යන එන කොල්ලෙක් නම් ඔය හතරෙන් එකක සම්බන්දකමක් තිබුණා. එක නිසා හැමෝම හිතුවේ තමුන් තමයි චන්ඩි කියලා.

පසුබිම් කතාන්දර නැතුව කෙටියෙන් කියන්නම්. අදාල සිද්දිය මෙහෙමයි. හෝමාගම කියන්නේ ලංකාවේ ලොකුම හමුදා ජනපදයට මායිම් වුන නගරයක්. අදාල සිද්දිය වුන දවසේ සිවිල් ඇදුමින් රාජකාරි කටයුතකට පනාගොඩට වාර්තා කරන්න යමින් සිටි ආබාධිත සෙබලෙක්ට හෝමාගම ත්‍රිවිල් බයියෙක් සද්දයක් දමා කනට ගසා තිබුණා. (මේ ආසන්නතම සිදුවීම පමණි. හමුදා බුද්ධි අංශ කොහොමත් මේ හන්දිය ගැන හැම වෙලාවේම අවදියෙන් හිටියේ. ) අදාළ සෙබලා මේ බව වහාම කදවුරට වාර්තා කරා. දැන් වෙන්නේ මොකද්ද කියල අපහු මුල ඉදන් කියන්න ඕන නැහැ නේ?

වැඩි වෙලාවක් ගියේ නැහැ හමුදා රථ කිහිපයක් පැමිණ මුළු හන්දියම අවරණය වනපරිදි කාටවත් වහනෙකින් පැනලා යන්න බැරි විදිහට පාරවල් හතරම අවහිර කරා. ඊළගට සිදුවුනේ හන්දියේ තිබුණ සිද්දිය දන්න නොදන්නා සියලුම ත්‍රිවිල් 40කට අසන්න ප්‍රමානයක් සම්පුරණයෙන් විනාශ වෙන්න පහර දීලා ගියපු එකයි.
හොදම කතාව වුනේ ඔය අතර සිටියා හමුදා බුද්ධි අංශයෙන් යොදවපු ත්‍රිවිල් පවා. එත් මේවගේ වෙලාවට ඔවුන්ටත් ගුටිකනවා මිසක් වෙන කරන්න දෙයක් නැ. මේ වගේ බුද්ධි අංශ සාමාජිකයින් හමුදාව පොලිසියෙන් අනන්තවත් ගුටි කාලා ඇති. නමුත් ඔවුන් කොචර ගුටි කැවත් කවදාවත් මෙහෙයුම පාවාදුන්නේ නැ.

දැන් කාලේ වගේ හැමොගේම අතේ කැමරා ෆෝන් නොතිබීමත් සමාජ ජාල මජ්ජ වේජියෝ නැති නිසාත් මේවා ලංකාව පුරා ගියේ නැ. නමුත් මේ වගේ ක්‍රියාවන් නොවුනා නම් ගමේ චන්ඩි එක්ක හමුදාවට ඉස්සරහට ඉන්නත් බැරි වෙන්න තිබුණා.

නාවික හමුදාව ඇතුලේ සිතල යුද්ධය..... සත්‍ය සිදුවීම් 01

මේක සැබෑම සිදුවීමක්....  මේකට අදාල නිලදාරීන්, නැවියන්නි තාම සේවයේ ඉන්න නිසා නම් ගම් නැතුව කථා කරමු.

මම blog එක පටන් ගන්නේ කොහෙන්ද කියල හිත හිත ඉන්නකොට මේක ඔලුවට අවා. විචාරක තුමාගේ අඩවිය සම්පුරණයෙන් කියවල ඉවර වෙනකන් මට එතුමා ලියපු නැති ලිපියකට මාතෘකාවක් හොයාගන්න අපහසු නිසා මේක ලියන එක සුදුසුයි කියලා හිතුනා.

මේ කියන්නේ මගේ මතකයේ හැටියට 2000 වසරේ බුස්ස නාවික කදවුර කේන්ද්‍රකරගෙන සිද්ද වුන සිද්දියක්. ඔය කලේ කදවුර සහ ගම අතර තිබුණ හිත හොඳකම ටික ටික අපේ ගොයියලගේ හොඳ නිසා අඩුවෙලා තිබුනේ. කදවුරට විරුද්ධව ගම නැගිටින තත්වයක් තිබුනේ.

බුස්ස කියන්නේ navy එකට දකුණේ තිබුණ ලොකුම පුහුණු පාසැල. ඒ වගේම දකුණු නාවික විධානය පරිපාලන කටයුතු සිද්ද වුන ලොකු කදවුරක්. සාමාන්‍යයෙන් මේ කදවුරේ දෙදාහකට වැඩි පුහුණු වන නැවියන් සහ උපදේශකයන් සිටිනවා. කොහොම හරි කෙටියෙන්ම දැන් වලිය උපරිමේට ඇවිත්. තව ටිකකින් ගමෙන් ගුටිකන්න වෙන තත්වයක් එනකොට මේ ගැන ඉහලට වාර්තා වුණා. ඒ කලේ දක්ෂිණ විධාන අණදෙන නිලදරීතුමත් හොඳ යුධ සෙන්පතියෙක්. එතුමා අණ දුන්නා නිසි පරිදි වැඩේ පාලනය කරන්න කියලා. ඕකට හමුදාවේ වචනයෙන් කියන්නේ ගම සිරෝ කරන්න කියලා.

දැන් ඉතින් මොකද වෙන්නේ කියල කියන්න දෙයක් නැ පින්වතුනි. සියලුම පුහුණුවන නැවියන්ට සහ කනිෂ්ඨ නැවියන්ට දුන්නා Drill weapon (ඔව් ඔව් ඔයාලා දන්නවා විචාරක තුමා කියලා දීලා ඇති.) මදි පාඩුවට උදලු මිටි වගේ අතට අහුවෙන මොනවා හරි. ජේෂ්ඨ නැවියන්ට දුන්නා පතුරම් සහිත සුළු අවි. ඊටපස්සේ ඔයාලා දන්න පරිදි සියලු දෙනා රැස් කරලා ඔක්කොටම නිසිපරිදි උපදෙස් දීලා පිටත් කරා මෙහෙයුමට.

කොල්ලෝ ටික වාහන වලින් කැම්ප් එකෙන් එලියට නිශ්චිත දුරකට ගෙනිහින් දැම්මා. දැන් කනිෂ්ඨ නැවියෝ ඉන්නේ කැම්ප් එකෙන් (අපි කියමුකෝ 1km කියලා) එළියේ කැම්ප් එක කේන්ද්‍ර වන පරිදි රවුමක් ගහලා. මෙන්න මෙහෙමයි ලබීතිබුන අණ "හම්බුවෙන හැම පිරිමියටම පාරක් ගහගෙන ඇතුලට වරෙන්. වලියට අවොත් අතක් හෝ කකුලක් කැඩෙන්න සලකාගෙන කැම්ප් එකට හැකි ඉක්මනින් වාර්තාකරණු." Traning ඉන්න එවුන්ටත් මෙහෙම ආතල් අණක් ලැබුනම කවර කථා ද පින්වතුනි. මේ අතර ජේෂ්ඨ නැවියන්ට වාහන දීලා පාරේ තියෙන ඔක්කොම විදුරු කුඩුවෙන්න වෙඩි තියන් එන්න කියලා අණ දීලා තිබුණා.

ආතල් කොටසට එන්නේ දැන්. වැඩේ නැගලා ගියා. එක අදුනිකයෙක් පොල්ලෙන් වනාගෙන වනාගෙන එනකොට (නැ නැ ඒ පොල්ල නෙමෙයි අර දීපු උදලු මිට. හිත කලබල කරගන්න එපා) මිදුලට පැනපු මැදිවිය ඉක්මවපු පිරිමි කෙනෙක් ඉදිරියට ඇවිත් කගහුවාලු "පුතා පුතා ගහන්න එපා. මගේ පුතාත් Navy එකේ" කියලා. "ආහ්හ් ඇත්තද අංකල් මගේ තාත්තගේ පුතාත් Navy" කියලා ගැහුවලු කකුල කැඩෙන්න.

වැඩේ අහවර වෙනකොට ගම බොහොම නිස්කලංකයි ලු. ඉදිකට්ටක් වැටුනත් සද්දේ ඇහෙන තරමට ගම නිෂබ්ධයි ලු. වැඩේ සාර්ථකව නිම කරපු කට්ටියට පහුවදා දැනගන්න ලැබුනේ අර කියපු තාත්තගේ පුතා යාපනේ අක්භෝ කදවුරේ අණදෙන නිලධාරියා කියලා. වැඩේ පත්තුවෙන්නේ එතැන්සිටයි.

 එදා ඉදන් බුස්සෙන් අක්බෝ කදවුරට නැවියෝ මාරුකරලා යවන්න බැරි තත්වයක් ආවලු. එක නාවික සම්ප්‍රධායක් වුණා කියලයි කතාව. මම දන්න පරිදි දැනටත් කෙලින්ම බුස්සෙන් අක්බෝ කවුරුවත් යවන්නේ නැ. ගියොත් පරණ ඇරියස් එක ගන්න තත්වයක් තියෙන්නේ.

මේවගේ සිද්දි ගොඩක් ත්‍රිවිධ හමුදාවේම සිද්ද වුණා. ඇහැක් විදියට ඉස්සරහට ලියන්නම්කෝ....

අැරැඹුම....

මම

මම බ්ලොග් ලියන්න හීනෙකින් වත් හිතපු කෙනෙක්  නෙමෙයි. මම වැඩිය බ්ලොග් බලන කෙනෙකුත් නෙමෙයි. මට මේ ලගකදී අසමි දකිමි සොයමි නම් ඉතා හරවත් බ්ලොග් ඒක මුණ ගැහුනා අහම්බයකින්. හරිම අසාවෙන්  ඒක කියවාගෙන යද්දි මට ලොකු උවමනාවක් ආවා මේක ලියන කෙනා අදුරගන්න. හොයලා බලනකොට තේරුණා මම ගොඩක් ප්‍රමාද බව.

ඔහුගේ අඩවියෙන් මම ගොඩක් දේවල් ඉගෙනගත්තා ඇතැම් තැනක මට පෙන්වන්න වැරදි තිබුණා, එකතු කරන්න දේවල් තිබුණා, නමුත් මට කමෙන්ට් එකක් දන්න වත්  blog ගිණුමක් තිබුනේ නැ. මම උත්සහ කරන්නේ තවත් විචාරක තුමෙක් වෙන්න නෙමෙයි. මොකද මම දන්නවා මට එතුමා තරම් අත්දැකීම්, භාෂාවේ දැනුම සහ කාලය නැති බව. මමත් ආරක්ෂක අංශයට සම්බන්දව සේවය කල අයෙක් මි. මම උත්සහ කරන්නේ එතුමාගේ හමුදා තොරතුරු, කතා නැවතුන තැනින් ඉදිරියට ගෙනියන්න. එහෙනම් පොඩි ට්‍රයි එකක් කරලා බලමු!